PANGNGEBARANG 16:14 - KITTA' MATANGKASA'

¹⁴ Pangngalarroinna karaenga sanrapangi kabara' hukkungang mate; tau cara'deka usahai untu' ampanaungi larrona!

PANGNGEBARANG 16:14 ပူးပေါင်းရင်းမြစ်များ

PA'JARIANG 40:2

Larromi karaenga ri anjo ruaya palayang.

ESTER 7:7

Teaimi sipato' larrona karaenga. Ammentemmi nampa nabokoi mejanga nampa tulusu' assulu', ri koko balla' karaenga. Naassemmi Haman angkana natappukimi karaenga untu' anghukkungi. Jari ammantammi siagang Ester untu' ampalaki ri Ester sollanna nipalili ri anjo balaya.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 16:13

Kasa'biang annabaya napakasannangi pa'mai'na tukoasaya, nakamaseangi tau a'bicara lambusuka.

PANGNGEBARANG 16:15

Kabajikang pa'mai'na karaenga appabattui salewangang, sanrapang rammang appaturunga bosi ri wattu timoro'.

PANGNGEBARANG 17:11

Tau ja'dalaka tuli appaumbai karicuang, mingka battui matea mae ri ia, a'jari suro pallaka.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 20:2

Larrona karaenga sanrapangi sa'ra arrunna singaya; tau ampakanassuai sangkammai nacilakai kalenna.

PANGNGEBARANG 29:26

Jai tau nangai a'boya-boya pa'mai' ri tukoasaya, mingka assarea kaadelang, Bataraji bawang.

PANGNGEBARANG 29:8

Tau pacalla-callaya akkullei nakaco kotaya, mingka tau cara'deka napakasannangi katallassanga.

KATO'BA 10:4

Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.

DANIEL 2:16

Mangemi linta' Daniel andallekang ri karaenga siagang appala' wattu untu' ampakasingaraki battuanna anjo so'naya.

MARKUS 6:27

Jari nasuromi linta' pangawala'na mange angngallei ulunna Yohanes Paje'ne'. A'lampami anjo surudadua mange ri tarungkua, nampa nasamballe Yohanes.

LAMPA-LAMPANA 12:20

Sanna' larrona Herodes ri tu Tiruska siagang tu Sidonga. Lanri kammana, a'lampami ke'nanga mange andallekang ri ia. Uru-uruna nanyonyo'mi rolong Blastus, iamintu kapalaya ri balla' lompona Herodes, sa'genna sipammentengang Blastus siagang ke'nanga. Le'baki anjo nirurungammi ke'nanga mange andallekang ri Herodes. Appala' damemi ke'nanga ri Herodes, nasaba' apa-apa nikanrea ri pa'rasanganna ke'nanga, sangnging apa-apa battu ri pa'rasanganna Herodes.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.