PANGNGEBARANG 15:28 - KITTA' MATANGKASA'

²⁸ Tau bajika natangara' bajiki kana-kananna; tau ja'dalaka appasuluki kana-kana rantasaka.

PANGNGEBARANG 15:28 ပူးပေါင်းရင်းမြစ်များ

PAMMUJI 59:7

Ri wattu karuenna ammotereki ke'nanga, nakantisi' giginna sanrapang kongkong angkulilingi kotaya.

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PANGNGEBARANG 13:16

Tau cara'deka appikkiriki rolong ri tenanapa nappanggaukang; tau toloa napa'lammorangi katoloanna.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 16:23

Pikkiranna tau bajika akkala'na ampa'jari cara'deki kana-kananna, siagang pila' nipatappaki ajaranna.

PANGNGEBARANG 29:11

Tau toloa napappicini'-cinikangi larrona, mingka tau cara'deka sa'baraki siagang natahangi larrona.

PANGNGEBARANG 29:20

Jaiangngangi panrannuanna tau dongoka, kala tau jaia bicaranna natappikkira la'bi riolo.

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

KATO'BA 5:6

Sangkamma jaina so'na tena battuanna, kamma tomminjo jai bicara tena matu-matunna. Mingka malla' lalo mako mae ri Batara.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.