PANGNGEBARANG 15:23 - KITTA' MATANGKASA'

²³ Kana-kana nipasuluka ri wattu kaminang cocoka, langngerangi karannuang.

PANGNGEBARANG 15:23 ပူးပေါင်းရင်းမြစ်များ

AYUB 6:25

Kana-kana lambusuka, appakasannangi pa'mai', mingka bicarannu ngaseng kosongi, tena battuanna!

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

PANGNGEBARANG 12:25

Ranggaselaya natepoki sumangaka, mingka kana-kana lammaya napakalompoi pa'maika.

PANGNGEBARANG 15:22

Rancanaya takkulleai a'jari punna tena nirurungangi siagang tangara' baji'; lanjari rancanaya, punna jai assare pappakainga'.

PANGNGEBARANG 16:13

Kasa'biang annabaya napakasannangi pa'mai'na tukoasaya, nakamaseangi tau a'bicara lambusuka.

PANGNGEBARANG 16:24

Kana-kana bajika sanrapangi je'ne' bani; te'nei kasia'na siagang napakkamalei tubua.

PANGNGEBARANG 24:26

Pappiali annabaya iami tanra passiagangngang sitojennaya.

KATO'BA 3:1

Sikontu apa-apaya ri anne linoa kajariangi situru' wattu Napattantua Allata'ala.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YOHANES 1:37

Nalangngere'na anjo ruaya ana' gurunna Yohanes kana-kana kammaya, a'lampami ke'nanga amminawang ri Isa.

YOHANES 11:29

Nalangngere'na Maria anjo, akkaro-karomi ammenteng, nampa a'lampa anruppai Isa.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.