PANGNGEBARANG 15:17 - KITTA' MATANGKASA'

¹⁷ Bajikangngangi gangang bawang nikanre assala' sikamaseangi taua, kala angnganrea dageng mingka sikabirisi taua.

PANGNGEBARANG 15:17 ပူးပေါင်းရင်းမြစ်များ

PANGNGEBARANG 16:8

Bajikangngangi sike'de' panggappanga assala' battu ri kalambusang, kala jaia panggappang lanri gau' tena naadele'.

PANGNGEBARANG 17:1

Bajikangngangi sisoang bawang kanre assala' amangi kala kanre nyamang alla'bi natuli nia' pa'beserang.

PANGNGEBARANG 21:19

Bajikangngangi ammantanga ri parang luaraka, kala sipammantangnganga siagang baine nangaia a'moro-moro siagang a'larro-larro.

KATO'BA 4:6

Nakulle kammatojengi, mingka bajikangngangi sike'deka barang-barang assala' sannang pa'maika, kala anjama terasaka siagang rua lima siagang poro angngondang bawang anging.

MATIUS 22:4

Jari nasuromi pole pala'-palayanna maraenga anjo Karaenga. Napasammi ke'nanga angkana: ‘Pauang ngasengi anjo tau le'baka niburittai angkanaya: Tattala ngasemmi apa-apaya ri passua'-suarrang pa'buntinganna Karaenga. Sikamma sapia siagang sapi rungka kaminang bajika le'ba'mi nisuro polong. Kamma-kamma anne sadia ngasemmi. Umbamo kimange anjoreng assua'-suara' ri pa'buntinganga!’

LUKAS 15:23

Punna le'ba' angngalle mako sapi rungka siagang co'moka nampa nupolong. Langnganre-nganreki' siagang la'rannu-rannuki'.

FILIPI 2:1

Majarrekko, lanri asse'reko siagang Almasi. Siagang nisaleoriko lanri Nakamaseangko Almasi! Nirurungangko ri RohNa Allata'ala, jari paralluko massing sikamaseang siagang sikarimangngi.

1 YOHANES 4:16

Niassemmi siagang tappa' maki' mae ri pangngamaseanNa Allata'ala mae ri katte. Anjo Allata'ala Iami mangngamaseang. Inai-nai nikoasai katallassanna ri pangngamaseang, iaminjo taua asse're katallassanna mae ri Allata'ala, siagang asse'remi Allata'ala mae ri katallassanna.