PANGNGEBARANG 15:12 - KITTA' MATANGKASA'

¹² Tau masarroa anghinai paranna tau, tanangaiyai nipasaile; kuttui appala' tangara' battu ri tau cara'deka.

PANGNGEBARANG 15:12 ပူးပေါင်းရင်းမြစ်များ

2 PATTOTTORANG 18:7

Appialimi Ahab angkana, “Nia' ija sitau, iamintu Mikha ana'na Yimla. Mingka birisikka' mae ri ia, lanri tale'bakai kabajikang natappu untu' kalengku; sangnging tenaya nabaji'.” Appialimi Yosafat angkana, “Ah, teako akkana kammai anjo!”

AYUB 21:14

Padahala' le'baki angkana ke'nanga ri Allata'ala, ‘BellaKi' anrinni siagang a'lampaKi'! Tanajampangiai ikambe siagang taerokai ikambe ampahangi apa erotTa siagang pattujunTa mae ri tallasa'na ikambe.’

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 13:1

Ana' cara'deka naparhatikangi punna nipakainga' ri manggena; tau borroa taerokai annarima pappasaile.

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

PANGNGEBARANG 15:10

Tau a'gau' ja'dalaka lanisessai; tau taeroka nipasaile lamatei.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.