PANGNGEBARANG 15:11 - KITTA' MATANGKASA'

¹¹ Naassengi Batara linona tau matea siagang lampa-lampana; antekamma batena lakkulle nicokko pikkiranna taua mae ri Ia?

PANGNGEBARANG 15:11 ပူးပေါင်းရင်းမြစ်များ

2 PATTOTTORANG 6:30

poro Kipilangngeri battu ri pammantanganTa ri suruga siagang Kipamopporangi ke'nanga. IKatteji bawang angngassengi atinna rupataua. Lanri kammana anjo Kibalasa'mi mae ri tunggala' taua situru' massing panggaukang-panggaukanna,

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

PAMMUJI 139:8

Punna naikka' ri langika, niakKi' anjoreng, punna attinroa' ri lino kamateanga, nia' tongki' anjoreng.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

PANGNGEBARANG 15:10

Tau a'gau' ja'dalaka lanisessai; tau taeroka nipasaile lamatei.

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

PANGNGEBARANG 27:20

Ri linona tau matea, tuli nia' tampa'; kamma tomminjo kaerokanna rupa taua tena sanggana.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAPPICINI' 9:11

Nia' karaenna, amparentayai ke'nanga; na anjo karaenna ke'nanga iamintu malaeka' anjagayai tubiri'na kamateanga. Arenna ilalang bicara Ibrani iamintu Abadon; na lalang bicara Yunanina iamintu Apolion (battuanna “Pammanrakia”).

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”