PANGNGEBARANG 14:8 - KITTA' MATANGKASA'

⁸ Tau cara'deka naassengi angkana antekamma batena lappanggaukang, tau dongoka nitipui ri kadongokanna.

PANGNGEBARANG 14:8 ပူးပေါင်းရင်းမြစ်များ

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PAMMUJI 119:5

Poro inakke siagang pa'mai' majarre' anturuki paratorang-paratoranTa.

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 12:5

Tau lambusuka nanawa-nawai apa-apa bajika; tau ja'dalaka annipua narancana.

PANGNGEBARANG 15:21

Katoloanga iami kasannangnganna tau dongoka, tau cara'deka lambusuki tallasa'na.

PANGNGEBARANG 2:9

Punna mannurukiko ri nakke ana', lanuassengi anjo apa nikanaya adele', lambusu', siagang baji'. Lanuasseng tongi angkana antekamma batenu nukkulle tulusu' attallasa'.

PANGNGEBARANG 8:20

Amminawanga' ri oloang kaadelanga, a'dakka' ri agang kalambusanga.

KATO'BA 2:13

Memang kuassengi, “La'bi bajikangngangi kacara'dekanga na katoloanga, rapang singaraka la'bi bajikangngangi na sassanga.

KATO'BA 2:16

Tau toloa lalintaki nikaluppai, mingka manna tau cara'deka tena todong nalaniu'rangi. Pila' mange allo pila' lanipela' ngasengki' ri pangngu'rangi. Ikatte musti mate ngasengki', baji' tau cara'de' kammayatompa tau dongoka.

YEREMIA 13:20

Nakana Batara mae ri pandudu'na Yerusalem, “Parhatikangi! Nia'mi musu-musunnu battu wara'! Kemaeji sikamma tau eroka nula'langngi siagang sannaka nukalompoanna ri pa'mai'?

1 KORINTUS 3:19

Nasaba' tau nicini' cara'deka ri anne linoa, sikontutojenna nicini' dongoki ri Allata'ala. Nia' tattulisi' lalang ri Kittaka angkanaya, “Battu ri kacara'dekanna tonji tu cara'deka, nanijakkala'mo kananna ri Allata'ala.”

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

EFESUS 5:17

Teako dongoki, mingka pappilajari apa Nakaerokia Batara.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

YAKOBUS 3:13

Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.