PANGNGEBARANG 14:6 - KITTA' MATANGKASA'

⁶ Tau tampoa tena nala'jari cara'de', mingka tau cara'deka gampangi appilajara'.

PANGNGEBARANG 14:6 ပူးပေါင်းရင်းမြစ်များ

PAMMUJI 119:18

Kisungkei matangku sollangku accini' ajarang malompo niaka lalang ri hukkunTa.

PANGNGEBARANG 1:5

Lanri anne sikamma pappakaingaka namanna tau cara'deka lanatambai tongi pangngassenganna, kammayatompa tau niaka sikolana lanipimping tongi.

PANGNGEBARANG 14:5

Sa'bi lambusuka tuli napaui apa kontutojenga; sa'bi tanipatappaka tuli a'balle-ballei.

PANGNGEBARANG 14:7

Teako agangi siagang tau dongoka'; tena apa-apa lakkulle naajarrangko.

PANGNGEBARANG 15:12

Tau masarroa anghinai paranna tau, tanangaiyai nipasaile; kuttui appala' tangara' battu ri tau cara'deka.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

PANGNGEBARANG 17:24

Natujua tau niaka pammahanna iamintu untu' anggappa kacara'dekang, mingka tau toloa tena nattantu pattujunna.

PANGNGEBARANG 18:2

Tau toloa tanangaiyai nisare pammahang; poro bone atinna bawang ero' nasungkea tojeng.

PANGNGEBARANG 24:7

Tau toloa takkulleai naselangngi kacara'dekanga. Tena apa-apa akkulle napau punna a'bicara taua ri passala' apa-apa parallua.

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

PANGNGEBARANG 8:8

Kana-kanangku lambusu' ngasengi, manna se're tania' a'jekko yareka sala.

PANGNGEBARANG 8:9

Untu' tau cara'deka, annabai kanangku, untu' mangngassenga, coco' sikali kanangku.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

1 KORINTUS 8:2

Punna nia' tau nakana kalenna jaimi apa-apa naasseng, sikontutojenna tenapa naasseng bajiki anjo apa-apaya.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.