PANGNGEBARANG 14:32 - KITTA' MATANGKASA'

³² Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 14:32 ပူးပေါင်းရင်းမြစ်များ

PA'JARIANG 49:18

O Batara, kasalamakkang Kipassareanga, iaminjo sarro kutayanga.

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

PAMMUJI 16:11

Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PANGNGEBARANG 11:5

Oloanna tau bajika nilapparri ri kalambusang, mingka tau ja'dalaka naerangi kalenna mae ri kapanrakanga.

PANGNGEBARANG 14:33

Kacara'dekanga tuli niaki lalang ri pikkiranna tau bajika akkala'na; mingka nijallakkangi lalang ri pikkiranna tau dongoka.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

PANGNGEBARANG 6:15

Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

LUKAS 2:29

“Anne kamma, o Batara, Kirupaimi janjinTa. Boli'mi kamma ammoterang atanTa siagang sannang.

YOHANES 8:21

Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

2 KORINTUS 1:9

sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

2 KORINTUS 5:8

iaminjo saba'na nakisa'bara' ri pa'maitta. Erokangangki' ta'lappasaka battu ri anne tubua, sollanna nikkulle sipammantangang siagang Batara.

FILIPI 1:21

Nasaba' untu' inakke, mangeanna tallassakku iamintu Almasi bawang! Na matea iamintu upakku.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”