PANGNGEBARANG 14:30 - KITTA' MATANGKASA'

³⁰ Pa'mai' sannanga napakabajiki tubua; angngiri mataya sanrapangi garring kamateanga.

PANGNGEBARANG 14:30 ပူးပေါင်းရင်းမြစ်များ

1 KARAENG-KARAENG 21:6

Appialimi Ahab angkana, “Tena nasannang pa'maikku ri Nabot. Kupalaki ri ia sollanna ero' ambalukangi koko anggoro'na ri nakke, yareka kusambei koko anggoro' maraeng punna anjo nakaeroki, mingka teai!”

AYUB 5:2

Tau toloaji bawang matea lanri pa'risi' nyawana.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 119:80

Poro tena nammengka pa'maikku battu ri katantuanTa, sollanna tena kunggappa siri'.

PANGNGEBARANG 12:4

Tubaine bajika iami kalompoang pa'mai' siagang kate'neang mae ri bura'nenna, baine ampakasirikai bura'nenna sanrapangi garring lalang ri buku, ammanrakia.

PANGNGEBARANG 15:13

Pa'mai' rannua napaccayai tanjaka; pa'mai' si'naya natepoki sumangaka.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PANGNGEBARANG 3:8

Anjo panggaukanga la'jari sanrapangi pa'balle mae ri kau, ia lampakabajiki batangkalennu siagang pa'mai' mailalannu.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

LAMPA-LAMPANA 7:9

Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”