PANGNGEBARANG 14:28 - KITTA' MATANGKASA'

²⁸ Kakalumanynyanganna karaenga iamintu ri pajaina ra'ya'na; punna tena ra'ya'na takkulleai koasa.

PANGNGEBARANG 14:28 ပူးပေါင်းရင်းမြစ်များ

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

1 KARAENG-KARAENG 20:27

Na tu Israel napasadia tommi tantarana nampa napagio' ke'nanga. Nampa majumo anjo tantarana Israel lalang rua pasukang, nampa akkema sidallekang siagang anjo tu Siria. Punna nipasimbandingi anjo tantara Siria jaia tassiara' anrassi anjo daeraya, sangkammaji nicini' tantara Israel ruang pa'rappungang bembe.

KALAPPASSANG 1:12

Mingka pila' nijallakkangi ke'nanga ri tu Mesir, pila' katambangi jaina anjo tu Israel. Pila' a'la'bammi ke'nanga mae ri sikontu anjo pa'rasanganga, sa'genna a'jari malla'mo tu Mesir ri ke'nanga.

2 SAMUEL 19:7

Kupalaki nakiammenteng nai' karaeng nampa assulukki' ampakasannangi nyawana ana' buata. Assumpai atanta lanri Batara, angkanaya punna tena kiassulu' ambuntuli ke'nanga, anne memang bangngia tenamo manna sitau ero' anrurungangki'. Anjo kammaya la'jari bala kaminang lompo lakikasiaka lalang sikontuna tallasatta.”

PANGNGEBARANG 14:27

Mappilangngeria ri Batara iami pappokokanna kate'neanga; siagang oloang untu' alliliangi kamateanga.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

YEREMIA 13:20

Nakana Batara mae ri pandudu'na Yerusalem, “Parhatikangi! Nia'mi musu-musunnu battu wara'! Kemaeji sikamma tau eroka nula'langngi siagang sannaka nukalompoanna ri pa'mai'?