PANGNGEBARANG 14:19 - KITTA' MATANGKASA'

¹⁹ Tau ja'dalaka latunduki mae ri tau lambusu' pa'maika, untu' appala' sollanna nikamaseang.

PANGNGEBARANG 14:19 ပူးပေါင်းရင်းမြစ်များ

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 43:28

Appialimi ke'nanga angkana, “Anjo atanta, manggena ikambe, baji'-baji'ji.” Nampa su'ju' ke'nanga ri ia.

2 KARAENG-KARAENG 3:12

Nakanamo Karaeng Yosafat, “Kammatojengi! Memang a'bicarai Batara tete ri ia.” Jari a'lampami anjo tallua karaeng mange ri Elisa.

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

PANGNGEBARANG 11:29

Tau ampakasusayai pakkalabinianna, latappelaki sikontu apa-apanna. Tau toloa lanalayani tau cara'deka.

PANGNGEBARANG 14:18

Tau tenaya pangalamanna la'jari dongoki; tau cara'deka lapila' katambangi pangngassenganna.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

MALEAKHI 4:3

Ri anjo alloa langngalleA' tindakang, nalanubeta tau ja'dalaka, sa'genna rapang ke'nanga limbu'bu' nuonjo'-onjokanga.

LAMPA-LAMPANA 16:39

Jari a'lampami ke'nanga appala' popporo' ri Paulus siagang Silas. Nampa narurungang ke'nanga Paulus siagang Silas assulu' battu ri tarungkua, siagang napala'mi ke'nanga sollanna a'lampamo Paulus siagang Silas ambokoi anjo kotaya.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

1 SAMUEL 2:36

Massing-massing turungannu attallasaka ija, lamangei ri anjo imanga untu' appala' doe' siagang kanre. Lanapalaki angkana: Kipa'bianga' ambantui sikamma imanga, sollanna kukkulle anggappa kanre manna nasisoanja.”