PANGNGEBARANG 14:17 - KITTA' MATANGKASA'

¹⁷ Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 14:17 ပူးပေါင်းရင်းမြစ်များ

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

ESTER 3:6

Na ri wattunna naasseng angkana tu Yahudi anjo Mordekhai, angngallemi kaputusang untu' anghukkungi Mordekhai. Ba'lalo teai iaji bawang, mingka lanapa'la'busu' tongi sikontu tu Yahudi niaka ri kakaraenganna Persia.

PANGNGEBARANG 12:16

Punna kasi'rikang tau toloa, anjo wattua napau memammi pa'risi' pa'mai'na; mingka tau cara'deka tanapaduliai punna nicallai.

PANGNGEBARANG 12:2

Tau bajika ningai ri Batara, mingka tau a'rancanga kaja'dallang langgappai hukkungang.

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 14:18

Tau tenaya pangalamanna la'jari dongoki; tau cara'deka lapila' katambangi pangngassenganna.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 20:3

Tau toloaji bawang nangai a'besereka; sipa' nipujia iamintu mabellaya battu ri pa'beseranga.

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.

PANGNGEBARANG 29:22

Tau lintaka larro napa'jari taua jai a'besere' siagang doraka.

KATO'BA 7:9

Teako linta' dudu larro; tau toloaji bawang ammoli' larro.

YESAYA 32:7

Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.