PANGNGEBARANG 14:14 - KITTA' MATANGKASA'

¹⁴ Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

PANGNGEBARANG 14:14 ပူးပေါင်းရင်းမြစ်များ

PAMMUJI 109:17

Nangai appasuluka kana attunra; boli'mi kamma kalenna nataba pattunra! Tena nangai assare barakka', boli'mi kamma natena barakka' untu' ia!

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

PANGNGEBARANG 12:21

Tau bajika talanatujuai bala; tau ja'dalaka tuli lanatujui susa.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

PANGNGEBARANG 14:15

Tau dongoka tappaki mae ri sikontu bicaraya, tau cara'deka tutui ri panggaukang.

PANGNGEBARANG 18:20

Sikamma kana-kana nipasuluka nia' ngaseng kasia'na.

PANGNGEBARANG 9:12

Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 8:5

Mingka angngapa naikau, ummakKu, tulusu' ammengkanu siagang tulusu' a'bokonu ri Nakke? Anna'gala' jarrekko mae ri barhalanu, siagang taerokako ammotere' mae ri Nakke!

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

GALATIA 6:4

Parallui taua massing naparessa kalenna, maka bajiki panggaukanna yareka tena. Punna ma'nassa baji' tojeng kalenna, akkullemi lompo pa'mai'na. Mingka teami napareki kalenna pa'baku' mae ri panggaukanna tau maraenga.

GALATIA 6:8

Punna sipa'-sipa' tulino nalamung taua, kamateang lanakatto battu ri anjo sipa'-sipa'na. Mingka punna a'lamungi situru' ero'Na RohNa Allata'ala, katallassang sitojennaya siagang katallassang mannannunganga lanagappa battu ri RohNa Allata'ala.

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!