PANGNGEBARANG 14:11 - KITTA' MATANGKASA'

¹¹ Balla' tau bajika tuli jarreki; balla' tau ja'dalaka larumbangi.

PANGNGEBARANG 14:11 ပူးပေါင်းရင်းမြစ်များ

AYUB 15:34

Tau ja'dalaka latena turunganna; la'busu' akkanre balla' nabangunga battu ri wassele' doe' pammuccu'.

AYUB 18:21

Kammaminjo sarenna tau dorakaya, tau tenaya najampangi Allata'ala.”

AYUB 21:28

Akkuta'nangko angkana, ‘Kemae balla'na makoasaya anggaukangai panggaukang dorakaya?’

AYUB 8:15

Maka gassingkai anjo ru'mung kammaya punna nipareki pammanjengang? Maka attahangi anjo bannang kammaya punna nipareki panna'gallang?’

AYUB 8:22

Lasiri'-siriki siagang latunai nasa'ring tau birisika ri kau, na balla' tau ja'dalaka lanipanraki sa'genna ancuru'.”

AYUB 8:6

punna lambusu' pa'mai'nu, tena callannu, laNatulungko linta' Allata'ala; na a'jari pa'balasa'na, laNapakabajiki ammotere' ruma tangganu.

PAMMUJI 128:3

Bainennu sanrapangi poko' anggoro' copponga lalang balla'nu. Ana'-ana'nu sanrapangi cu'la'na poko' zaitun ri tammulilina mejang pangnganreannu.

PAMMUJI 37:10

Tau ja'dalaka lanipa'lanynyaki linta', taenami, punna niboyai.

PANGNGEBARANG 11:28

Inai ampattoangi barang-baranna, larunangi sanrapang leko' toa; tau bajika la'bakkaki sanrapang cu'la' loloa.

PANGNGEBARANG 12:7

Tau ja'dalaka latu'guruki napanra' tena bate-batena; mingka tau bajika latuli jarreki sikontu turungang.

PANGNGEBARANG 15:25

LaNarumbangi Batara balla'na tau tinggi langgaya, mingka laNajagai buttana sitaua janda.

PANGNGEBARANG 21:12

Allata'ala Kaminang Adeleka Naassengi apa kajarianga lalang ri balla'na tau dorakaya. LaNapaloposoki ke'nanga sa'genna panra'.

PANGNGEBARANG 21:20

Tau cara'deka tuli kala'biangi siagang kalumanynyangi mingka tau toloa napa'laboangi barang-baranna.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”