PANGNGEBARANG 13:25 - KITTA' MATANGKASA'

²⁵ Tau bajika tuli gannaki ri katallassanna, mingka tau ja'dalaka tuli lakakurangangi.

PANGNGEBARANG 13:25 ပူးပေါင်းရင်းမြစ်များ

PAMMUJI 103:5

Ia ampassukkuki katallassannu siagang kabajikang, sa'gennu tanaallea toa sanrapang jangang-jangang rajawali.

PAMMUJI 132:15

Sikontu kaparalluanna laKusarei alla'bi-la'bi, tu kasi-asina laKusarei kanre sa'genna bassoro'.

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

PAMMUJI 37:16

Apa sike'de' napatanga tu bajika lompoangangi anggaranna nakala'bianna tu ja'dalaka.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 13:18

Tau taeroka niajara', la'jari kasi-asi na tuna; tau najampangia pappakaingaka lanipakalompoi.

PANGNGEBARANG 24:34

battumi kakuranganga siagang kakasi-asianga a'bakka sanrapang paella' angngerang sanjata.

PANGNGEBARANG 6:11

Mingka lalang attinrona, nitujumi ri kakurangang siagang kakasi-asiang, battua sanrapang paella' angngerang sanjata.

LUKAS 15:14

Na ri wattunna la'busu'mo doe'na, sitabang naalle tommi cipuru' lompo anjo pa'rasanganga. Sa'genna appakkaramulami a'jari susa tallasa'na anjo anaka.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”