PANGNGEBARANG 13:23 - KITTA' MATANGKASA'

²³ Butta kosonga akkullei angngerang wassele' jai kanre-kanreang untu' tu kasi-asia; mingka tenaya naadele' la'jari sabaki natena nangngerang wassele' anjo buttaya.

PANGNGEBARANG 13:23 ပူးပေါင်းရင်းမြစ်များ

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

PANGNGEBARANG 28:19

Pamarri anjama terasaka lagannaki ri kanre; tau ampela'-pelakai wattunna lakakurangangi.

KATO'BA 5:9

Tau balalaya ri doe', tale'bakai ganna'-ganna' doe'na; tau pongoroka ri barang-barang, tale'bakai sangga sukku' ri passawallang. Yangasenna sia-siaji bawang.

PAOLE 21:4

Anjo sapia musti naerangi ke'nanga mange ri tampa' ambania ri binangaya ia tenaya nale'ba' kalotoro' siagang tenayapa nale'ba' nipa'jeko yareka nilamungi buttana. Anjoreng musti natepoki ke'nanga kallonna anjo sapia.