PANGNGEBARANG 13:18 - KITTA' MATANGKASA'

¹⁸ Tau taeroka niajara', la'jari kasi-asi na tuna; tau najampangia pappakaingaka lanipakalompoi.

PANGNGEBARANG 13:18 ပူးပေါင်းရင်းမြစ်များ

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PANGNGEBARANG 13:19

Tamaka baji'na anggappayai apa nikaerokia! Tau dongoka taerokai ta'giling batu ri kaja'dallanga.

PANGNGEBARANG 13:25

Tau bajika tuli gannaki ri katallassanna, mingka tau ja'dalaka tuli lakakurangangi.

PANGNGEBARANG 15:5

Tau dongoka nabawang-bawangngangi pappakainga'na manggena, tau cara'deka Naparhatikangi pappasailea.

PANGNGEBARANG 19:6

Tunggala' tau usahai angngallei pa'mai'na tau malompoa; sikontuna taua eroki a'jari agang mae ri tau nangaia assare.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.

PANGNGEBARANG 9:9

Punna tau cara'de' nupakainga, pila' la'jari katambangi cara'de'na. Siagang punna tau mannuruki ri Allata'ala nuajara', pila' lakatambangi pangngassenganna.

KATO'BA 7:5

Bajikangngangi nipasailea ri tau bajika akkala'na, kala nipalecea ri tau sukkaraka ammahang.

YEREMIA 3:25

Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.