PANGNGEBARANG 13:13 - KITTA' MATANGKASA'

¹³ Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PANGNGEBARANG 13:13 ပူးပေါင်းရင်းမြစ်များ

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

EZRA 10:3

Umba kissumpa ri Allata'ala, angkanaya lanibongka ngasengi anjo bainea siagang ana'-ana'na ke'nanga. Lamannuruki ikambe ri kananta siagang pappakainga'na tu maraenga, ia tu ampakala'birikai parentaNa Allata'ala. Lamannuruki ikambe ri HukkunNa Allata'ala.

PAMMUJI 115:13

LaNabarakkaki sikamma tau mappilangngeria, baji' tau ca'di kammayatompa lompoa.

PAMMUJI 119:165

Tau mangngaia ri hukkunTa amangi na sannang, tena akkulle anrompai ke'nanga.

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

KALAPPASSANG 9:20

Nia' siapa are pagawe a'jari malla' allangngereki anjo kananNa Batara. Naerammi sikamma atanna siagang olo'-olo' piarana ke'nanga antama' ri balla' sollanna kala'langngang.

PANGNGEBARANG 1:25

Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 13:12

Punna tanigappaya apa niminasaya, ta'ronangi nyawaya; punna nigappa apa nikaerokia, sunggui pa'maika.

PANGNGEBARANG 13:21

Tau dorakaya tuli niondangi ri kacilakang, tau bajika tuli annarimai kate'neang.

PANGNGEBARANG 16:20

Parhatikangi apa nipangngajarranga mae ri kau, nalanugappa apa-apa bajika. Tappakko mae ri Batara, na nulamate'ne.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

YEHEZKIEL 20:24

lanri nabalang parekanna ke'nanga parenta-parentaKu, nadakkai hukkung-hukkungKu, nara'massi allo Pammari-marianga, siagang tuli anynyombana ke'nanga ri rewata-rewata nasombaya boe-boena ke'nanga.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

PAMMILANGNGANG 15:31

lanri naewai Batara siagang nakunjungi andakkai parentaNa Batara. Anjo tau kammaya matei lanri kasalanna tonji.

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

2 YOHANES 1:8

Lanri kammana, jagai gassingka niakko ampelaki anjo apa le'baka nausahakang ikambe untu' ikau ngaseng. Usahako sollanna nutarima ngaseng sawala'nu.