PANGNGEBARANG 13:12 - KITTA' MATANGKASA'

¹² Punna tanigappaya apa niminasaya, ta'ronangi nyawaya; punna nigappa apa nikaerokia, sunggui pa'maika.

PANGNGEBARANG 13:12 ပူးပေါင်းရင်းမြစ်များ

PA'JARIANG 46:30

Nakanamo Yakub ri Yusuf, “Kamma-kamma anne rellama' mate, lanri kucini'mako siagang kuassemmi angkana attallasa' ijako.”

NEHEMIA 2:2

Lanri kammana, akkuta'nammi ri nakke angkana, “Angngapa nasusa kamma nicini' tanja'nu, nampa tenaja nugarring? Mattantu nia' nukalussakkang.” Ta'bangkama',

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 69:3

Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

PANGNGEBARANG 11:30

Tau bajika lanikatutui tallasa'na; tau cara'deka lakatambangi tau amminawanga ri ia.

PANGNGEBARANG 13:11

Kakalumanynyangngang lomo dudua gappanna, linta' tongi kurang; mingka barang-barang nipa'du'duka tassike'de'-tassike'de' lapila' katambangi.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PANGNGEBARANG 13:19

Tamaka baji'na anggappayai apa nikaerokia! Tau dongoka taerokai ta'giling batu ri kaja'dallanga.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.