PANGNGEBARANG 12:7 - KITTA' MATANGKASA'

⁷ Tau ja'dalaka latu'guruki napanra' tena bate-batena; mingka tau bajika latuli jarreki sikontu turungang.

PANGNGEBARANG 12:7 ပူးပေါင်းရင်းမြစ်များ

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

2 SAMUEL 7:26

Ri kere-keremae tuli lanapakalompoi taua arenTa siagang angkana, ‘Batara Kaminang Koasaya, Iami Allata'ala mae ri tu Israel.’ Na nia' sitau battu ri jari-jarina lammarenta salaku karaeng mae ri anne bansaya sa'genna satunggu-tungguna.

ESTER 9:14

Nampa appasulu'mo parenta karaenga untu' anggaukangi anjo pappala'na Ester. Nipasulu'mi sura' parentaya untu' kota Susan, nampa nigentummi anjo sampuloa maya'na ana'na Haman.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 34:25

Saba', le'ba' Naassemmi apa nagaukanga ke'nanga; na Nagulung siagang Naancuru' ke'nanga ri wattu bangngia.

PAMMUJI 37:10

Tau ja'dalaka lanipa'lanynyaki linta', taenami, punna niboyai.

PANGNGEBARANG 10:25

Punna battu anging lompoa antujui, lanynya'mi tau ja'dalaka; mingka tau lambusuka tuli jarreki satunggu-tungguna.

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 12:8

Lanipuji taua situru' kacara'dekanna; nihinai taua situru' kadongokanna.

PANGNGEBARANG 14:1

Pakkalabinianga nibangungi ri kacara'dekanna bainea mingka niruntungi ri kadongokanna.

PANGNGEBARANG 14:11

Balla' tau bajika tuli jarreki; balla' tau ja'dalaka larumbangi.

PANGNGEBARANG 15:25

LaNarumbangi Batara balla'na tau tinggi langgaya, mingka laNajagai buttana sitaua janda.