PANGNGEBARANG 12:23 - KITTA' MATANGKASA'

²³ Tau cara'deka tena napappicini'-cinikangi pangngassenganna; tau dongoka napa'lammorangi kadongokanna.

PANGNGEBARANG 12:23 ပူးပေါင်းရင်းမြစ်များ

NEHEMIA 2:12

Lalang siapaya anjo sallona tenapa nakupau manna pole ri nai angkana le'bakka' nasungkeang Allata'ala pikkirangku untu' ambangungi ammotere' kota Yerusalem. Ammukona, ri wattunna bangngi, ambangunga' nampa kukio' siapa are agangku untu' a'lampa assulukang kota. Pantaranganna keledai kudongkokia, tena olo'-olo' dongkokang maraeng naerang ikambe.

NEHEMIA 2:16

Tena manna sitau battu ri tutoa-toana ra'yaka angngassengi angkana a'lampa kemaea' siagang apa kurancanakang anjo wattua. Nasaba' sa'genna anjo wattua tenapa apa-apa kupau mae ri sikamma julu bansaku; baji' na ri sikamma imanga kammayatompa sikamma tutoa-toana ra'yaka, yareka ri pagawe-pagawea, kammayatompa inai-nai lamminawanga ambangungi kota Yerusalem.

PANGNGEBARANG 10:14

Tau cara'deka appasse'rei pangngassengang; punna tau toloa a'bicara, bala nakio'.

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.

PANGNGEBARANG 11:13

Tau appa'la'banga kabara' anging takkulleai anna'gala' rahasia, mingka tau nipatappaka akkullei narahasiakang parkaraya.

PANGNGEBARANG 13:16

Tau cara'deka appikkiriki rolong ri tenanapa nappanggaukang; tau toloa napa'lammorangi katoloanna.

PANGNGEBARANG 14:33

Kacara'dekanga tuli niaki lalang ri pikkiranna tau bajika akkala'na; mingka nijallakkangi lalang ri pikkiranna tau dongoka.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 18:2

Tau toloa tanangaiyai nisare pammahang; poro bone atinna bawang ero' nasungkea tojeng.

PANGNGEBARANG 29:11

Tau toloa napappicini'-cinikangi larrona, mingka tau cara'deka sa'baraki siagang natahangi larrona.

KATO'BA 10:3

Katoloanna niciniki ri gio'-gio'na. Siagang napappicinikangi mae ri yangaseng taua kadongokanna.

1 SAMUEL 10:16

Appialimi Saul angkana, “Napauanga' angkanaya nigappami anjo olo'-oloka.” Mingka tena nacaritai Saul mae ri purinanna angkanaya le'ba'mi niminynyaki na niangka' a'jari karaeng ri Samuel.