PANGNGEBARANG 11:20 - KITTA' MATANGKASA'

²⁰ Nakabirisi Batara tau ja'dalaka pa'mai'na, mingka Nakamaseangi tau tenaya callanna tallasa'na.

PANGNGEBARANG 11:20 ပူးပေါင်းရင်းမြစ်များ

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAMMUJI 101:4

Taeroka' a'gau' jekkong siagang taeroka' ampantamaki kalengku ri kaja'dallanga.

PAMMUJI 11:7

Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.

PAMMUJI 119:1

Mate'nei tau tenaya callanna lalang tallasa'na siagang mannurukia ri hukkunNa Batara.

PAMMUJI 140:13

Kuassengi angkana iKatte assarei kaadelang tau nijallakkanga, siagang ampattojengi parkarana tu kasi-asia.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 12:22

Birisiki Batara mae ri tau paballe-ballea; mingka sannangi mae ri tau lambusuka.

PANGNGEBARANG 13:6

Kalambusanga nala'langi tau lambusuka ri tallasa'na; kaja'dallanga napanraki tau dorakaya.

PANGNGEBARANG 14:9

Tau dongoka tena najampangi angkanaya apaka nipammopporangi dosana yareka tena; tau bajika eroki nipammopporang dosana.

PANGNGEBARANG 15:26

Birisiki Batara ri rancana ja'dalaka; mingka kana-kana bajika napakasannangi pa'mai'Na.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 6:14

Pikkirang botto'na rassi siagang rancana ja'dala' siagang appaumba pa'beserang ri kere-keremae.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PANGNGEBARANG 9:7

Punna tau taeroka niajara' nupicinikiang kasalanna, lanakakkaliko. Punna nukalarroi tau ja'dalaka, lanapakka'-pakkanaiko.