PANGNGEBARANG 11:18 - KITTA' MATANGKASA'

¹⁸ Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 11:18 ပူးပေါင်းရင်းမြစ်များ

KALAPPASSANG 1:20

Jari nibarakkakimi anjo ruaya sanro pamana' ri Allata'ala, lanri napakalompoi ke'nanga Allata'ala. Siagang pila' katambang napila' kassa' tommo tu Israel.

PANGNGEBARANG 1:18

mingka anjo tau ja'dalaka ba'lalo kalenna tonji ke'nanga natannangngi sikko', iamintu sikko' lambalai kalenna ke'nanga.

PANGNGEBARANG 10:16

Punna nigaukang bajika, pahalana iamintu tallasa' mate'ne; punna nigaukang dosaya, kale'bakkanna pila' jai dosa.

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

KATO'BA 10:8

Inai angngeke kali'bong, kalenna latu'guru' antama; inai anrumbang tembo' lanitottoki ri ulara' a'racung.

HOSEA 10:2

Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.

YOHANES 4:36

Appakkaramulami natarima gajina tau akkattoa siagang appasse're wassele' untu' katallassang satunggu-tunggua. Jari tau appakioroka siagang tau akkattoa akkullei sipa'rannu-rannuang.

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

YAKOBUS 3:18

Memang anjo kabajikanga, iami wassele' binena passiamakkang napakioroka tau nangaia assiama'!