PANGNGEBARANG 10:9 - KITTA' MATANGKASA'

⁹ Tau lambusuka, amangi tallasa'na; tau annipua lakaassengangi.

PANGNGEBARANG 10:9 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PANGNGEBARANG 17:20

Sitaua patipu tena nalamate'ne, tau appengkaya lilana langgappai bala.

PANGNGEBARANG 26:26

Manna nacokkoi kabirisanna, sikontu taua naciniki kaja'dallanna.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

PANGNGEBARANG 28:18

Tau tenaya callanna lalang tallasa'na lasalamaki. Tau a'lekko-lekkoa tallasa'na, latu'guruki.

PANGNGEBARANG 3:23

La'jappako siagang amang, siagang tena nulatatto'ro.

MATIUS 10:26

“Teako mallakki ri ma'rupataua. Tenanniakka apa-apa taccokko talakacinikang sallang; siagang tenanniakka apa-apa nicokkoi talakaassengang sallang.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

1 TIMOTIUS 5:25

Kamma tomminjo panggaukang-panggaukang bajika a'nassa memammi nicini'. Siagang manna sukkaraka nicini', tena todong nakkulle tuli lataccokko.