PANGNGEBARANG 10:6 - KITTA' MATANGKASA'

⁶ Tau bajika langgappai barakka'. Kapallakkanga taccokkoi ri bokona kana-kananna tau ja'dalaka.

PANGNGEBARANG 10:6 ပူးပေါင်းရင်းမြစ်များ

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

AYUB 29:13

Nipujia' ri tau sannaka lompona kasusaanna, kutulungi sikamma jandaya sa'genna amang nasa'ring ke'nanga.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

PANGNGEBARANG 10:5

Tau cara'deka appa'rappungi kattoang punna narapi' wattunna, mingka tau attinroa bawang ri wattu pakkattoanga, lanapakasiriki kalenna.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.

PANGNGEBARANG 24:25

Mingka haking anghukkungai tau salaya lamate'nei siagang lanipakalompoi.

PANGNGEBARANG 28:20

Tau lambusuka laNibarakkaki ri Batara, mingka tau eroka linta' kalumanynyang, takkulleai naliliang hukkunganga.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

OBAJA 1:10

“Le'bakko a'gau' palla' mae ri sikamma sari'battannu iamintu jari-jarina Yakub. Lanri kammana anjo laKupanrakiko siagang nicallako ri taua lalang sikontuna jammanga.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

PAOLE 28:2

Mannurukiko mae ri Karaeng Allata'alanu, na Nasare ngasengko barakka' kammaya anne: