PANGNGEBARANG 10:22 - KITTA' MATANGKASA'

²² Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

PANGNGEBARANG 10:22 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 13:2

A'jari kalumanynyang sikalimi Abram; jaimi gimbala'na, bembena, sapina, kammayatompa jaimi pera'na siagang bulaenna.

PA'JARIANG 14:23

angkanaya talakualleai apa-apannu, ba'lalo manna silawara' bannang yareka manna pole sipolong otere' sandala'nu. Sollanna tena nalanukana sallang, ‘Inakke ampa'jari kalumanynyangi Abram.’

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

PA'JARIANG 26:13

Pila' katambammi kakalumanynyangnganna, sa'genna a'jarimi tu sanna' akkalumanynyanna.

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

2 PATTOTTORANG 25:9

Akkuta'nammi Amazia angkana, “Mingka antekammami anjo sikontu pera' le'bakamo kupassareang mae ri ke'nanga?” Appialimi anjo na'bia angkana, “Akkullei Napoterang Batara mae ri katte la'bi jaiangngang pole naanjo.”

2 PATTOTTORANG 32:27

A'jarimi Karaeng Hizkia sanna' kalumanynyanna, siagang nipakalompoi ri sikontuna taua. Appare'mi kamara'-kamara' untu' pammolikang barang-baranna, iamintu: bulaeng, pera', batu-batu paramata, rampa-rampa, pannangkisi', siagang barang-barang maraengannaya.

2 PATTOTTORANG 32:29

Pantaranganna anjo ambangung tongi jai kota. Anjo kakalumanynyangngang Napassareanga Allata'ala mae ri ia alla'bi-la'bi.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PANGNGEBARANG 14:24

Tau cara'deka nipuji lanri kacara'dekanna; tau dongoka alla'bangi niasseng kadongokanna.

PANGNGEBARANG 20:21

Barang-barang lintaka gappanna, kale'bakkanna teai barakka'.

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

PANGNGEBARANG 8:21

Inai tau angkamaseanga', kupa'jari kalumanynyangi; kupirassi balla'na siagang barang-barang.

DANIEL 1:15

Le'baki anjo wattu sampulo alloa, kabateammi nicini' angkanaya anjo ke'nanga la'bi bajikangngangi siagang la'bi gassingangngangi nasikontu anjo turungka anggappaya kanre battu ri mejanna karaenga.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

PAOLE 26:10

Lanri kammana, o, Batara, kupassareangi anrinni bageang uru-uruna wassele' kattoang kugappaya, mae ri Katte.’ Kammaminjo caranu ampassareangi anjo bakuka mae ri Karaeng Allata'alanu. Le'baki anjo, anynyomba mako mae ri Ia siagang

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

YOSUA 6:18

Takkulleako angngalle apa-apa battu ri anjo sikontu apa mustia niancuru'. Punna nuallei, lanitujui pakkemaanna Israel siagang cilaka na bala.