PANGNGEBARANG 10:15 - KITTA' MATANGKASA'

¹⁵ Kakalumanynyangngang alla'langi tu kalumanynyanga, tallasa' ta'ronang-ronang angngancuruki tu kasi-asia.

PANGNGEBARANG 10:15 ပူးပေါင်းရင်းမြစ်များ

PAMMUJI 49:6

Tena kumalla' ri wattu kasukkarranga, ri wattungku nikatulung ri musu ja'dalaka.

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.

PANGNGEBARANG 14:20

Tau kasi-asia tena ningai ba'lalo ri bela-belana; mingka tau kalumanynyanga jai sahaba'na.

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

PANGNGEBARANG 19:7

Tau kasi-asia nibalang parekangi ri sari'battanna, sarroangampa na ri aganna. Manna antekamma batena usaha takkulleai naalle pa'mai'na ke'nanga.

KATO'BA 7:12

sangkamma tongi doe' assareaki' pakkasia' amang. La'biangampa pangngassengang nikanaya kacara'dekang! Inai ampatangi, iami lasalama'.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

MARKUS 10:24

Lannasa'mi ana'-ana' gurunNa allangngereki anjo apa Napaua Isa. Mingka Nakanamo pole Isa, “Ana'-anakKu, sukkara' memangi taua a'jari umma'Na Allata'ala!

LUKAS 12:19

Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.