PANGNGEBARANG 1:27 - KITTA' MATANGKASA'

²⁷ Ba, lakucau-cauko punna lussakko siagang sessako lanri nitujuko ri bala ia battua sanrapang anging lompo.

PANGNGEBARANG 1:27 ပူးပေါင်းရင်းမြစ်များ

AYUB 27:9

Maka laNapilangngeri Allata'ala karru'na punna nitujui ri kasukkarrang?

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

ROMA 2:9

Sikamma tau nangaia a'gau' ja'dala', iami lapanra' siagang lasessa; uru-uruna tu Yahudia, nampa pole bansa-bansa maraenga.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.