PANGNGEBARANG 1:25 - KITTA' MATANGKASA'

²⁵ Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 1:25 ပူးပေါင်းရင်းမြစ်များ

2 PATTOTTORANG 33:10

Nipakaingaki Manasye siagang ra'ya'na ri Batara mingka taerokai ke'nanga mappilangngeri.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

PAMMUJI 107:11

saba' angngewai ke'nanga mae ri Allata'ala siagang tena najampangi parentaNa Kaminang Tinggia.

PAMMUJI 81:11

INakkemi Batara Allata'alanu, anrurungangko assulu' battu ri Mesir. Wattunnu cipuru' Kusareko kanre.

PANGNGEBARANG 1:30

Tale'bakako ero' antarimai sikamma pappakaingakku siagang sikamma pappasaileku.

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

PANGNGEBARANG 15:10

Tau a'gau' ja'dalaka lanisessai; tau taeroka nipasaile lamatei.

PANGNGEBARANG 5:12

Nampa lanukana, “Ah, angngapa nakubirisi' ri pappakaingaka? Angngapa kutaeroka nipasaile?

PANGNGEBARANG 8:14

Inakkemi assare pikkirang. Na inakke todong ampa'rupai. Inakke cara'de' na kugassing todong pole.

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

LUKAS 7:30

Mingka taerokai tu Farisia siagang guru-guru agamaya antarimai rancanaNa Allata'ala eroka ampasalamaki ke'nanga. Taerokai ke'nanga nije'ne' ri Yohanes.

PAOLE 1:45

Nampa ammotere' mako siagang akkio' mako appala' tulung ri Batara; mingka taerokai Batara ampilangngeriko yareka amparhatikangko.”

1 SAMUEL 8:18

Punna narapi'mo wattunna anjo kammaya, lakkunrareng mako lanri anjo karaeng nupilea, mingka taerokai Batara ampilangngeri kunrarennu.”