PANGNGEBARANG 1:24 - KITTA' MATANGKASA'

²⁴ Le'ba' mako kukio' ngaseng, mingka taerokako siagang tena ngaseng nujampangi.

PANGNGEBARANG 1:24 ပူးပေါင်းရင်းမြစ်များ

2 PATTOTTORANG 33:10

Nipakaingaki Manasye siagang ra'ya'na ri Batara mingka taerokai ke'nanga mappilangngeri.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 33:14

A'rupa-rupai bateNa Allata'ala a'bicara, mingka manna sitau tania' amparhatikangi kana-kananNa.

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YESAYA 65:2

Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 44:16

“Taerokai ikambe ampilangngeri apa nupabattua mae ri kambe lalang arenNa Batara.

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

LAMPA-LAMPANA 4:30

Kipa'nyatai pannulunTa sollanna akkulle niballei tau garringa, siagang nakajariang gau'-gau' appakalannasaka, lanri koasana siagang kagassingang battua ri arenNa Isa, Ana' MatangkasatTa.”

ROMA 10:21

Mingka ri sesena bansa Israelka, nakana Na'bi Yesaya, “Kammaminne kananNa Allata'ala, ‘Sikabusu'na alloa Kupajonjo limangKu mae ri se'rea bansa kapala batua siagang tamaeroka mannuruki.’ ”

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.