PAMMUJI 96:2 - KITTA' MATANGKASA'

² Akkelongko mae ri Batara siagang Ia nupuji; allo-allona pa'la'bangi kabara' nikarannuanga angkanaya le'ba' maki' Napasalama'.

PAMMUJI 96:2 ပူးပေါင်းရင်းမြစ်များ

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

PAMMUJI 145:1

Pammuji battu ri Daud. Erokka' ampakalompoKi', o, Allata'ala siagang Karaengku, siagang mammuji mae ri Katte satunggu-tungguna.

PAMMUJI 145:10

Sikontu bate paretTa mammuji mae ri Katte, o, Batara, sikontu ummatTa lappala' sukkuruki mae ri Katte.

PAMMUJI 145:2

Allo-alloku ero' appala' sukkuru' mae ri Katte, siagang kupakala'birikKi' satunggu-tungguna.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 71:15

Sila'busu' alloi lakucarita sikamma gau' adeletTa, na kasalamakkang battua ri Katte nisawalaka nirekeng jaina.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAPPICINI' 5:13

Nampa akkelong kulangngere' sikontu anu attallasa' niaka ri langi', ri lino, irawanganna linoa, siagang lalang ri tamparanga; bodona kana sikontu anu attallasa' niaka ri anne linoa akkelong ngasengi angkana, “Ia ammempoa irate ri empoang kala'biranga, siagang anjo Ana' Gimbalaka, Iami nipuji na nipakalompo, kammayatompa nipakala'biri' na makoasa, sa'genna satunggu-tungguna!”