PAMMUJI 95:6 - KITTA' MATANGKASA'

⁶ Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

PAMMUJI 95:6 ပူးပေါင်းရင်းမြစ်များ

1 KARAENG-KARAENG 8:54

Kammaminjo Salomo appala' doang nakkulantu' ri dallekanna tampa' pakkoro'bangnganga siagang napatara limanna nai'. Le'baki anjo ammentemmi,

2 PATTOTTORANG 29:28

Su'ju'mi Karaeng Hizkia siagang sikontu tau niaka anjoreng anynyomba ri Batara, nampa sikamma pakelonga akkelong tommi, kammayatompa sikamma pakarena musika napasa'ra ngaseng tommi musi'na, sa'genna la'busu' ngaseng anjo koro'banga nakanre pepe'.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

EZRA 9:5

Ri wattunna appakkaramulamo nipassareang koro'bang karuenga, ammentemma' ri tampakku si'na. Lalang ammakeang kekke' su'juka' nakupatara limangku mae ri Karaeng Allata'alaku.

AYUB 35:10

Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 139:13

Kipa'jari sikamma bageang-bageang niaka ri tubuku, na Kiparekka' lalang ri pammanakkanna ammakku.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

PAMMUJI 72:9

Pandudu' parang lompoa latunduki mae ri ia na su'ju' musua ri dallekang bangkenna.

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

YESAYA 17:7

Anjo wattua sallang, lammotere'mi taua mange appala' tulung ri Mappa'jarina, iamintu Allata'ala matangkasa'na Israel.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

DANIEL 6:10

Jari natekemmi Karaeng Darius anjo sura' parentaya.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

MATIUS 4:2

Patampulo allo patampulo bangngi tamangnganrea Isa, sa'genna cipuru'mi.

MATIUS 4:9

Nampa nakana billisika ri Ia, “Yangasenna anjo lakupassareang ngasengi mae ri Kau punna su'jukKo anynyomba mae ri nakke.”

MARKUS 14:35

A'lampami Isa bella-bella sike'de', nampa tassu'ju' naung ri buttaya, appala' doang. Lalang appala' doanNa Napala'mi punna akkulleja teami Naoloi anjo wattu passessaya.

LUKAS 22:41

Nampa a'lampa Kale-kalenNa kira-kira nia' sipasambila batu bellana battu ri ke'nanga.

YOHANES 1:3

Tete ri Iami nanipa'jari sikontu apa niaka, na sikontu apa niaka, tenanniakka manna sirupa nipa'jari punna tamannetea ri Ia.

LAMPA-LAMPANA 20:36

Le'baki a'bicara Paulus, akkulantu'mi siagang ke'nanga nampa appala' doang.

LAMPA-LAMPANA 21:5

Mingka ri wattunna lala'busu'mo wattunta lammantang anjoreng, a'lampa maki' ambokoi ke'nanga, nanipannarrusu' lampata. Amminawang ngasemmi ke'nanga massing sipammanakang angngantarakki' sa'genna assulu' ri pantaranganna kotaya. Anjoreng ri biring tamparanga, akkulantu' ngaseng maki' appala' doang.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

EFESUS 3:14

Iaminjo saba'na nakuakkulantu' ri dallekanNa Manggea.

FILIPI 2:10

Jari, sollanna nipakala'biri' Isa, sikontu apa-apa attallasaka ri suruga, siagang ri linoa, siagang rawanganna linoa, lanynyomba ngasemmi mae ri Ia.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 22:8

Inakke, Yohanes, le'ba' ngasemmi kulangngere' siagang kucini' ngaseng sikammaya anjo. Le'ba'na kulangngere' siagang kucini', su'ju'ma' ri dallekanna anjo malaeka' ampicinikianga' sikammaya anjo, siagang ero'ma' anynyomba mae ri ia;