PAMMUJI 94:2 - KITTA' MATANGKASA'

² Ammenteng maKi', o, Hakinna sikontu linoa, Kiadelimi tau tampoa situru' panggaukanna ke'nanga.

PAMMUJI 94:2 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

PAMMUJI 31:23

Lalang ri kalinguangku kukapangi angkana Napela'ma' Batara battu ri dallekang mala'biri'Na. Mingka Nalangngere'mi pappalakku wattungku akkio' mae ri Ia.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PAMMUJI 68:1

Untu' pamimping pakelong. Pammujina Daud.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PAMMUJI 74:22

Ammenteng maKi' o, Allata'ala, Kipattojenga' ri parkaraku! Saba' sila'busu' alloKi' nihina ri tau tenaya natappa' mae ri Katte.

PAMMUJI 82:8

Battu maKi' o Allata'ala, adelimi linoa, saba' sikontu bansaya iKatte ngaseng pata.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

MIKHA 5:9

Nakana Batara, “Anjo wattua laKupa'lanynyaki sikontu jarannu, siagang Kupanraki sikamma kareta bundu'nu.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”