PAMMUJI 94:12 - KITTA' MATANGKASA'

¹² Mate'nei tau Kiajaraka, o, Batara, tau Kiajaraka hukkung-hukkunTa.

PAMMUJI 94:12 ပူးပေါင်းရင်းမြစ်များ

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

PAMMUJI 119:67

Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

PAOLE 8:5

U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.