PAMMUJI 94:10 - KITTA' MATANGKASA'

¹⁰ Ia angngajaraki bansa-bansaya, maka tenaka Nahukkungi taua? Ia a'jari guru mae ri sikontu taua, maka tena pangngassenganNa?

PAMMUJI 94:10 ပူးပေါင်းရင်းမြစ်များ

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 35:11

siagang assareai akkala' baji' rupataua la'biangngang na jangang-jangang siagang olo'-olo' ri lino.

PAMMUJI 10:16

Batara ammarenta sa'genna satunggu-tungguna; bansa-bansa tenaya namangngasseng ri Ia la'lanynyaki battu ri buttana.

PAMMUJI 119:66

Kisarea' kacara'dekang siagang pangngassengang, saba' tappaka' ri sikamma parentaTa.

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 9:5

Nasaba' iKatte ammarenta, a'jari haking adele'; IKatte ampattojenga' ri parkaraku.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 28:26

Naassengi carana anjamai, saba' le'ba'mi Niajara' ri Allata'alana.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YEHEZKIEL 39:21

Nakana Batara, “LaKuparhatikangi kala'birangKu mae ri bansa-bansaya. Lanacini' ngasengi ke'nanga antekamma bateKu ampakei kakoasangKu untu' ampa'rupai kaputusang-kaputusangKu adeleka.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

HABAKUK 3:12

Lalang larroTa naKijappai sikontu buttaya; bambang nyawaTa angngonjo'-onjokangi bansa-bansaya.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.