PAMMUJI 92:12 - KITTA' MATANGKASA'

¹² Kuciniki nibetana musu-musungku, sikamma tau ammentenga untu' ambalianga', kulangngere'mi rancana-rancana ja'dala'na ke'nanga.

PAMMUJI 92:12 ပူးပေါင်းရင်းမြစ်များ

1 KARAENG-KARAENG 4:33

Akkullei a'bicara ri sesena poko'-pokoka siagang lamung-lamunga – battu ri poko' camaraya ri Libanon sa'genna ruku'-ruku' lu'mu' attimboa ri rinring-rinring batua. A'bicara tongi ri sesena olo'-oloka, sangkamma ebara'na olo'-olo' akka'nyika, olo'-olo' allosonga siagang jukuka.

1 KARAENG-KARAENG 6:29

Sikontu bageang lalanna anjo Balla'Na Batara nibelo-beloi siagang ukirang gambara' malaeka' akka'nyi' siagang poko'-poko' palem, siagang bunga-bunga ta'bakkaraka.

ESTER 9:5

Kammaminjo nakkullemo tu Yahudia a'gau' paero'-ero'na ke'nanga mange ri musunna. Nabundukimi ke'nanga siagang pa'dang nampa nabuno.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 104:16

Poko'-poko' kayuNa Batara anggappai bosi jai poko' camara Libanon nalamung kalennai.

PAMMUJI 148:9

Pujimi, he bulu'-buluka siagang moncong-monconga, poko'-poko' a'rappoa siagang sikontu romanga;

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 52:8

Nacini'na anjo kammaya, la'jari malla' ngasemmi tau bajika, nampa nakakkaliko na nakana,

PAMMUJI 72:7

Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

PAMMUJI 92:7

Tau dongoka takkulleai napahang, tau toloa takkulleai napahang.

YESAYA 55:13

Poko' camaraya lassambeangi rompo' katintinga bunga-bunga ansambeangi sikamma rompo'-rompoka. Kajariammi anjo kammaya sollanna masahoro' arengKu; a'jari pammatei mannannungang tenaya nalatappela'.”

YEREMIA 17:8

Ia rapangi poko' kayu ri biring binanga assolonga je'ne'na; a'la'baki aka'na sa'genna je'neka. Tena namalla' ri wattu timoro', tuli moncongbulona leko'na. Manna pole nituju pa'rasanganga ri kakalotorang, tena nalussa' lanri tuli nia'na rapponna.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

PAMMILANGNGANG 24:6

Rapangi lappara' luaraka, yareka koko niaka ri biring binangaya; rapang poko' gaharu Nalamunga Batara, poko' arasa' niaka ri biring kaloroka.