PAMMUJI 90:13 - KITTA' MATANGKASA'

¹³ O, Batara, sa'genna siapa salloTa lalarro? Ammotere' lalo maKi' siagang Kikamaseangi ata-atanTa.

PAMMUJI 90:13 ပူးပေါင်းရင်းမြစ်များ

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 135:14

saba' iKatte ampassareangi kaadelanga mae ri ummatTa, siagang angkamaseangi ata-atanTa.

PAMMUJI 6:5

Battu poleang maKi', Batara, naKilappassanga', Kipasalamaka' lanri pangngamaseanTa.

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 80:14

Nikekkeseki ri bawi romang sa'genna panra', na nikanre ri olo'-olo' paranga.

PAMMUJI 80:15

O, Allata'ala Kaminang Koasaya, battu maKi' ammotere', accini' maKi' battu ri suruga naKiparhatikang ummatTa.

PAMMUJI 89:46

Kipakabodoi umuru' rungkana, nampa Kitongko' kalenna siagang siri'.

KALAPPASSANG 32:12

Punna Kiancuruki ke'nanga, lanakanamo tu Mesirka angkana Kipimpingi anjo bansaya assulu' battu ri Mesir sollanna akkulle Kibuno ke'nanga ri monconga siagang Kiancuru' taba sikali ke'nanga. TeaKi' appakammai, o Batara; Kipinra laloi anjo pattujunTa ero' ancilakai anjo bansaya.

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

YEREMIA 12:15

Mingka punna le'ba' Kupasulu' ke'nanga, laKukamaseangi ammotere' ke'nanga; tunggala' bansaya laKuerangi ammotere' mange ri massing pa'rasangang kalenna.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

ZAKHARIA 1:16

Kamma-kamma anne ammoterekKa' mae ri Yerusalem untu' ampamopporangi anjo kotaya. Lanibangungi ammotere' BallakKu siagang lanipakabajiki ammotere' kota Yerusalem.”

PAMMILANGNGANG 10:36

Siagang punna battu anjo Patti Parjanjianga mange ri tampa' pammantangnganga, angkanami Musa, “Ammotere' maKi' o Batara, mange ri assa'bua Kaluarga Israel.”

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.