PAMMUJI 90:12 - KITTA' MATANGKASA'

¹² Kipakaingaki ikambe antekamma bodona anne tallasaka sollanna a'jari tau tutu baji' ikambe.

PAMMUJI 90:12 ပူးပေါင်းရင်းမြစ်များ

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

PAMMUJI 39:4

niaccekanga' ri kalussakkang sanna' dudua. Pila' kunawa-nawai, pila' susai pa'maikku; kala'busanna kukanamo,

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 22:17

Pilangngeri, lakupangngajarrangi mae ri kau pappakainga' bajika! Parhatikangi pangngajarakku.

PANGNGEBARANG 23:12

Parhatikangi ajaranna gurunnu siagang appilajarakko jai-jai.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PANGNGEBARANG 4:5

A'jariko tau cara'de siagang tau tarang pikkirannu! Tuli u'rangi sikamma pappakaingakku siagang teako pelakki.”

PANGNGEBARANG 4:7

Kaminang parallua musti uru nugaukang iamintu usahako a'jari cara'de'. Manna apa nuondang, mingka uru-urua iamintu usahako anggappa pangngassengang.

KATO'BA 7:2

Bajikangngangi a'lampaya mange ri balla' kasusaanga naia mangea ri balla' passua'-suarranga. Saba' musti tuli niu'rangi angkanaya attayangi kamateanga mae ri tunggala' taua.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.