PAMMUJI 90:10 - KITTA' MATANGKASA'

¹⁰ Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

PAMMUJI 90:10 ပူးပေါင်းရင်းမြစ်များ

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

PA'JARIANG 6:3

Nakanamo Batara, “Tena naKupa'biangi rupataua attallasa' satunggu-tungguna; musti matei ke'nanga. Appakkaramula ri kamma-kammaya anne tenamo nakkulle la'bi ri 120 taung umuru'na.”

2 SAMUEL 19:35

Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

2 SAMUEL 19:36

Tena nasiratang atanta annarima passare lompo kammaya anjo. Poro ero' mami atanta anrurungangki' pirang dakka are battu ri ba'leanna Binanga Yordan.

1 KARAENG-KARAENG 1:1

Kamma-kamma anne toa sikalimi Karaeng Daud. Manna pole nikalimbuki kalimbu' kapala', tuli dingingiji nasa'ring.

AYUB 14:10

Mingka punna mate rupataua, la'busu'mi riwaya'na; nabokoimi linoa, nampa kemae lampana?

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

AYUB 24:24

Poro sinampe'ji tallasa' mate'ne, mingka ri boko a'lampami untu' satunggu-tungguna. Kalumengi rapang ruku' tenaya matu-matunna; rapang bulere' ase nikere' battu ri batanna.

AYUB 5:7

Tena! Passangalinna battu ri kalenna rupataua ampabattui cilakaya mae ri kalenna, sanrapang racci' bunga pepe' ammumba battu ri pepe' kalenna.

PAMMUJI 78:39

Nau'rangi angkana anjo ke'nanga poro lamate ngasenji, sanrapang anging numalo tammotera.

YESAYA 38:12

Tappu' nyawaku, battumi a'jalakku, rapang kema pakalawaki nibongkara'; rapang kaeng nipolong battu ri pattannungang; kukapangi laNapa'le'ba'mi Allata'ala tallasakku.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

PAOLE 34:7

Sibilangngang anruampulo taung umuru'na Musa namate. Tena nakurang kagassinganna siagang baji' iji paccini'na.

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

YOSUA 14:11

mingka gassingija' sangkamma ri wattungku nisuro ri Musa. Gassingiji tubuku untu' a'bundu' yareka anggaukangi jama-jamang apa mamo.