PAMMUJI 90:1 - KITTA' MATANGKASA'

¹ Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

PAMMUJI 90:1 ပူးပေါင်းရင်းမြစ်များ

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

PAMMUJI 71:3

A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

PAMMUJI 89:1

Kelong pangngajara' battu ri Etan, tu Ezrahi.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PAMMUJI 91:9

Saba' Batara nupa'jari Tumappasalama'nu, Kaminang Tinggia nupa'jari pa'la'langannu.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YEHEZKIEL 11:16

Lanri kammana anjo, pabattui anne pasangKu mae ri agang-agannu nipelaka, angkana iNakke angngerangi ke'nanga a'lampa bella ri alla'na bansa-bansaya siagang ampasiaraki ke'nanga ri anjo sikamma pa'rasanganga. Mingka lalang nia'na ke'nanga anjoreng, iNakke lanrurungangi ke'nanga.

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

YOHANES 6:56

Inai-nai angkanrei assingku, siagang inai-nai angnginungi cerakKu, iami a'jari se're siagang iNakke, siagang a'jari se'reMa' siagang kalenna.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

1 YOHANES 4:16

Niassemmi siagang tappa' maki' mae ri pangngamaseanNa Allata'ala mae ri katte. Anjo Allata'ala Iami mangngamaseang. Inai-nai nikoasai katallassanna ri pangngamaseang, iaminjo taua asse're katallassanna mae ri Allata'ala, siagang asse'remi Allata'ala mae ri katallassanna.