PAMMUJI 9:19 - KITTA' MATANGKASA'

¹⁹ Tena natuli nikaluppai satunggu-tungguna tu kasi-asia; tena natulusu' tena panrannuanna tu sessaya.

PAMMUJI 9:19 ပူးပေါင်းရင်းမြစ်များ

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

PAMMUJI 10:12

Ammenteng maKi', o, Batara, hukkungi tu ja'dalaka! Kiu'rangi tau nijallakkanga!

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

PAMMUJI 3:7

Tamallakka' ri musu assa'bua makkuliling ri nakke battu ri kemae-kemae.

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PAMMUJI 79:6

Kitumpami pangngalarroinTa mae ri bansa-bansaya ia tenaya naassengKi', siagang mae ri sikamma kakaraengang tenaya nanynyomba mae ri Katte.

PAMMUJI 80:2

O, Pakalawakinna Israel, Kipilangngeri laloi, iKatte ampimpingi turunganna Yusuf sanrapang pa'rappungang. IKatte ammempo irate ri empoang malaeka' akka'nyika, maju maKi' siagang cayaTa

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YO"EL 3:12

Nakana pole Batara, “Sikamma bansaya musti sadiai siagang a'lampai mange ri Ka'bung Pangadelanga. AnjorengA' langngadeli bansa-bansa singngampi'na ummakKu.

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

ZAKHARIA 14:18

Siagang punna taeroka tu Mesir ampakalompoi Passua'-suarrang Pa'ballakang Leko'-Lekoka, lanituju tongi ke'nanga garring Napabattua Karaeng Allata'ala mange ri tunggala' bansa tenaya naero' anynyomba.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.