PAMMUJI 9:1 - KITTA' MATANGKASA'

¹ Untu' pamimping pakelong. Situru' lagu Mut-Laben. Pammujina Daud.

PAMMUJI 9:1 ပူးပေါင်းရင်းမြစ်များ

1 PATTOTTORANG 16:12

Ikau turunganna Yakub, atanNa Allata'ala! ikau turunganna Israel, Umma' nipileNa! U'rangi sikontu gau' mappakalannasa'Na, teako takkaluppa ri apa le'baka Napattantu.

1 PATTOTTORANG 16:24

Caritai kala'biranNa ri sikontu bansa-bansaya, gau'-gau' malompoNa ri umma' rupataua.

PAMMUJI 106:2

Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAMMUJI 138:1

Battu ri Daud. O, Batara, erokka' appala' sukkuru' mae ri Katte, lalang sibatu pa'maikku. Ri dallekanna sikontu rewataya kukkelong lagu pammuji mae ri Katte.

PAMMUJI 26:7

nakukkelong lagu appala' sukkuru', na kukabarrang gau' malompoTa.

PAMMUJI 51:15

Nalakupangngajarrang parentaTa mae ri tau dorakaya, sollanna ammotere' ke'nanga mae ri Katte.

PAMMUJI 7:17

Jari nihukkungi lanri kaja'dallang kalenna tonji, siagang nisessai lanri kapala batuna tonji.

PAMMUJI 86:12

Appala' sukkurukka' mae ri Katte lalang sibatu pa'maikku o, Karaeng Allata'alaku; erokka' mammuji ri kalompoanTa satunggu-tungguna.

PAMMUJI 9:14

Cinikima' anne, nisessa ri musua; kamaseanga', o, Batara, Kilappassanga' battu ri kamateanga,

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 43:21

Iami ke'nanga bansa Kupareka untu' KalengKu, sollanna akkulle nakabarrang pammujia untu' iNakke.”

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

LUKAS 10:27

Appialimi anjo taua nakana, “ ‘Kamaseangi Karaeng Allata'alanu ilalang sitepu atinnu, ilalang sitepu pa'mai'nu, siagang ilalang sikontu pakkullenu, kammayatompa ilalang sikontu akkala'nu,’ na ‘Kamaseangi parannu tau sangkamma todong nukamaseanna batangkalennu.’ ”

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!