PAMMUJI 89:41 - KITTA' MATANGKASA'

⁴¹ Kirumbangi tembo'-tembo' kalli' kotaya, tampa'-tampa' pattahanganna Kipa'jari rumbangang.

PAMMUJI 89:41 ပူးပေါင်းရင်းမြစ်များ

NEHEMIA 5:9

Nampa kukanamo pole, “Kodi anjo panggaukannu! Mustina mallakko lalang tallasa'nu mae ri Allata'ala. Lanri kammana, anjo musunta tenaya allata'alana, tenamo nusarei kasampatang untu' anghinaki'.

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PAMMUJI 80:13

O, Allata'ala, angngapa Kirumbangi kalli'na, sa'genna sikamma tau allaloa akkulle ngasengi naalle rapponna?

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:12

Siagang punna nia' battu ri tu Yehuda ammantanga tassesa, tuli ero'na a'lampa mange ri Mesir untu' ammantang anjoreng, lapanra' kabusuki ke'nanga. Kabusu'na ke'nanga, lompo ca'di, lamatei ri Mesir lalang pa'bundukang yareka lanri kacipurang. Lamallaki taua anciniki ke'nanga, siagang lanihinai ke'nanga ri taua. Arenna ke'nanga lanipakei a'jari pattunra.

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PIRAUNG 5:1

Kiu'rangi laloi, o Batara apa kajarianga mae ri kambe. Kiciniki laloi anne ikambe, Kiciniki antekamma tunanamo ikambe.

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.