PAMMUJI 89:29 - KITTA' MATANGKASA'

²⁹ Latuli Kukamaseangi satunggu-tungguna, parjanjiangKu siagang ia tuli majarre'na.

PAMMUJI 89:29 ပူးပေါင်းရင်းမြစ်များ

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

1 PATTOTTORANG 22:10

Iaminjo ana' bura'nenu lambangung balla' untu' iNakke. Ia la'jari anakKu siagang iNakke la'jari manggena. Empoang kakaraenganna Israel latuli niaki ri turunganna sa'genna satunggu-tungguna.’ ”

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 89:36

SikalijA' assumpa untu' satunggu-tungguna lanri areng matangkasakKu; tena Kula'balle-balle mae ri Daud.

PAMMUJI 89:4

Kikana, “Le'bakKa' appare' parjanjiang siagang tu nipileKu; le'bakKa' assumpa mae ri Daud, atangKu:

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

YESAYA 9:7

Napabattumi Batara hukkunganga mae ri kakaraenganna Israel.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

PAOLE 11:21

Na ikau siagang ana'-ana'nu lanipakala'bui umuru'nu ri pa'rasangang Napa'janjianga Karaeng Allata'alanu mae ri boe-boenu. Lalang nia'na langika irateanna buttaya, kamma tomminjo sallonu lammantang ri anjo buttaya.