PAMMUJI 89:16 - KITTA' MATANGKASA'

¹⁶ Mate'nei bansa rannua anggaukangi ibadana, attalasaka lalang ri cayana kahaderanTa, o, Batara.

PAMMUJI 89:16 ပူးပေါင်းရင်းမြစ်များ

PAMMUJI 105:3

Iami Batara Kaminang Matangkasaka; rannu mako saba' Ia ampatangki' sikontu anynyombaya siratang rannu.

PAMMUJI 29:5

Sa'ranNa Batara manrumbang poko'-poko', mannepo' tangke kayunna camara Libanon.

PAMMUJI 29:7

Sa'ranNa Batara, angngerang kila' akkila'.

PAMMUJI 33:21

Ma'rannu-rannuki' lanri Ia na kitappa' ri areng matangkasa'Na.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 44:8

Mingka iKatte ampasalamaki ikambe battu ri balinna ikambe, siagang ambetai tau birisika mae ri kambe.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

YESAYA 2:5

He, turunganna Yakub, umba ki'jappa lalang singara'Na Batara!

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

KAIMANGNGANG 25:8

Rekengi pintuju tattuju taung, iamintu patampulo assalapang taung jaina.

KAIMANGNGANG 25:9

Nampa ri tanggala' sampulo bulang tuju, iamintu allo nipammopporanna dosaya, suroi taua appasa'ra tarompe' ri kere-kere mae ri sikontu pa'rasanganga.

LUKAS 1:47

nama'rannu-rannu nyawaku kalanri Allata'ala Mappasalamakku.

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!