PAMMUJI 89:12 - KITTA' MATANGKASA'

¹² IKatte pata langika siagang buttaya, bate paretTa linoa siagang sikontu bonena.

PAMMUJI 89:12 ပူးပေါင်းရင်းမြစ်များ

AYUB 26:7

Naka'rangi Allata'ala langika irateanna tamparang lompoa, nampa nagentung buttaya ri alla' tenaya bonena.

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

PAMMUJI 24:2

Ia ampadongkoki dasara'na irate ri tamparang, na Napaenteng irate ri je'ne' malantanga.

PAMMUJI 98:8

Boli'mi kamma attempa-tempa lima sikamma binangaya, nakkio' rannu sikamma buluka ri dallekanNa Batara.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YEREMIA 46:18

INakke Allata'ala mattallasaka, iNakke Karaeng, Batara Kaminang Koasaya. Rapang Bulu' Tabor ammenteng kassa' ri alla'na sikamma buluka, rapang Bulu' Karmel ammenteng kassa' ri tompo'na tamparanga, kammami anjo kagassinganna ia battua ambundukiko.

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 19:22

Pa'baeng-baeng buttana ke'nanga naseroi Tabor, Sahazima, Bet-Semes, nampa kala'busang ri Binanga Yordan. Antamaya daerana ke'nanga iamintu sampulo angngannang kota siagang sikamma desa-desa niaka ri tammulilina.

HAKING-HAKING 4:12

Nalangngere'na Sisera angkana a'lampami Barak mange ri Tabor,

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.