PAMMUJI 88:5 - KITTA' MATANGKASA'

⁵ Sanrapanga' tau lanaunga ri kali'bong kuburuka, tau tenayamo kagassinganna.

PAMMUJI 88:5 ပူးပေါင်းရင်းမြစ်များ

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

AYUB 11:10

Punna Najakkalakko siagang Naerangko mange ri pangadelanNa, inai maka labarani anrompai eroka Nagaukang?

AYUB 17:1

A'reppese'mi a'jalakku, birimmi tappu' napasakku; jerakku mami ammantang.

AYUB 6:9

Poro ero' lalo Allata'ala allicaka'! Poro Nabuno laloma'!

PAMMUJI 136:23

Tena Nakaluppaiki' ri wattunta nibeta; pangngamaseanNa sa'genna satunggu-tungguna.

PAMMUJI 28:1

Pammujina Daud. O, Batara, makkioka' mae ri Katte, iKattemi Tumappatojengku, pilangngerimi pakkiokku. Punna tamakkana-kanayaKi' mae ri nakke, sanrapanga' tau naunga ri kali'bong kuburuka.

PAMMUJI 31:12

A'jarima' tu nitahang mae ri sikontu musungku, ba'lalo mae ri sikamma siampi' ballakku. Ta'bangka ngasemmi sikontu siassengku ancinikka', larimi ke'nanga punna nacinikka' ri aganga.

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 88:16

Battu ri ca'diku inji kuballasa' siagang niodo' ri kamateang, dodonga' ampisa'ringi hukkunganTa.

YESAYA 53:8

Nitahangi siagang niadeli, nampa nierang mange nihukkung mate. Tena anjampangi sarenna; matei lanri dosana bansata.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.