PAMMUJI 88:4 - KITTA' MATANGKASA'

⁴ Nitujua' ri jai kasusaang; nia'mi ri pakke'buka kamateanga.

PAMMUJI 88:4 ပူးပေါင်းရင်းမြစ်များ

AYUB 17:1

A'reppese'mi a'jalakku, birimmi tappu' napasakku; jerakku mami ammantang.

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PAMMUJI 28:1

Pammujina Daud. O, Batara, makkioka' mae ri Katte, iKattemi Tumappatojengku, pilangngerimi pakkiokku. Punna tamakkana-kanayaKi' mae ri nakke, sanrapanga' tau naunga ri kali'bong kuburuka.

PAMMUJI 30:9

Akkioka' mae ri Katte, o, Batara, ri Kattema' appala',

PAMMUJI 31:12

A'jarima' tu nitahang mae ri sikontu musungku, ba'lalo mae ri sikamma siampi' ballakku. Ta'bangka ngasemmi sikontu siassengku ancinikka', larimi ke'nanga punna nacinikka' ri aganga.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PIRAUNG 3:15

Poro paikaji bawang Nasareanga' untu' kanreku siagang je'ne' inungku.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YUNUS 2:6

Je'ne' tu'guruka narapiki bangkenna pa'monconganga, ri lino takkoncia pakke'bu'na sa'genna kala'busang jammang. Poso dudumi nyawaku lalang ri kalengku nampa angngu'rangia' siagang akkio' mae ri Katte. Nata'rapi'mo pappala' doangku mae ri Katte, antama' ri Balla' matangkasatTa. Nampa Kipanaika' battu lalang ri tamparanga, o Karaeng Allata'alaku!

ROMA 5:6

Ri wattunta nia' lalang ri kalammanga, matemi Isa Almasi untu' ikatte, ri wattu le'bakamo Napattantu Allata'ala; padahala' ikatte tau bella maki' battu ri Allata'ala.

2 KORINTUS 1:9

sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

2 KORINTUS 13:4

Memang, ri wattunna nisalli' lammai; mingka kamma-kamma anne attallasa' poleammi lanri kakoasanNa Allata'ala. Ikambe tulamma tonjaki' lalang assileo'na katallassanta siagang Almasi; mingka punna sidallekangki' siagang ikau ngaseng, a'jari majarre' tommaki' lanri koasaNa Allata'ala.