15 O Batara, angngapa Kitollaka'? Angngapa Kiallei rupanTa battu ri nakke?
A'reppese'mi a'jalakku, birimmi tappu' napasakku; jerakku mami ammantang.
Akkioka' ri Katte, o, Allata'ala, na tena Kipialia'; punna appala' doanga', tena Kiparhatikangi.
Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.
IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?
Angngapa naKiaccokko, na Kikaluppai sessana siagang susana ikambe?
Saba' sila'busu' alloa' natuju nakasa'; bari'-bari'basakka' nisessa.
Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.
Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.
Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,